ગઝલ: જામ મારા હાથમાં
એ જ સામે આવતાં અચકાય છે,
જીવ મારો આજ પણ અટવાય છે.
કેમ સમજી ના શક્યો હું એમને !
દર્દ કેવાં આજ ઊભાં થાય છે.
ઝંખનાઓ ઝંખના જ રહી ગઈ,
વાદળી વરસ્યા વિના વહી જાય છે.
હસ્તરેખા સાવ સૂની લાગતી,
આંખમાંથી આંસુડાં ઉભરાય છે.
એ નદીમાં નાવ તરતી જોઇને,
જામ મારા હાથમાં છલકાય છે.
~ વિજય ચલાદરી
(શબ્દસર, ઑક્ટોમ્બર-૨૦૦૮)
એ જ સામે આવતાં અચકાય છે,
જીવ મારો આજ પણ અટવાય છે.
કેમ સમજી ના શક્યો હું એમને !
દર્દ કેવાં આજ ઊભાં થાય છે.
ઝંખનાઓ ઝંખના જ રહી ગઈ,
વાદળી વરસ્યા વિના વહી જાય છે.
હસ્તરેખા સાવ સૂની લાગતી,
આંખમાંથી આંસુડાં ઉભરાય છે.
એ નદીમાં નાવ તરતી જોઇને,
જામ મારા હાથમાં છલકાય છે.
~ વિજય ચલાદરી
(શબ્દસર, ઑક્ટોમ્બર-૨૦૦૮)
ટિપ્પણીઓ નથી:
ટિપ્પણી પોસ્ટ કરો