વિજય ચલાદરી સરકેશ્વરના દરિયા કિનારે લીલમાં.....

 

 

 

વિજય ચલાદરી નીલકંઠેશ્વર મહાદેવના દરિયા કિનારે બાવળના ઝાડ નીચે.....

 

 

વિજય ચલાદરી નીલકંઠેશ્વર મહાદેવના કેસુડાના ઝાડ પર..... 

 

વિજય ચલાદરી નીલકંઠેશ્વર મહાદેવના દરિયા કિનારે મિત્રો સાથે......

 

વિજય ચલાદરી નીલકંઠેશ્વર મહાદેવના દરિયા કિનારે......

 

વિજય ચલાદરી ચાંચબંદરના દરિયા કિનારે રાજવાડી પેલેસ પર......

 

વિજય ચલાદરી  મહુવાના બગીચામાં મિત્રો સાથે......

 

વિજય ચલાદરી ચાંચબંદરના દરિયા કિનારે......

 

 

 

વિજય ચલાદરી પીપાવાવ બંદરે જહાજ જોતા..........

 

વિજય ચલાદરી  નટવરલાલ અને પરસોત્તમભાઈ સાથે......

 

વિજય ચલાદરી  વડલા નીચે ......

 

વિજય ચલાદરી  સરકેશ્વરના દરિયા કિનારે અલગ સ્ટાઈલમાં......

 

વિજય ચલાદરી  દિવના કિલ્લા પર તોપ પાસે......

 

સાગરકાંઠા પરિભ્રમણ 2012 (કોળીયાક, ભાવનગરથી સરકેશ્વર, અમરેલી સુધી)

SHAGARKANTHA PARIBHRAMAN 2012

(KOLIYAK, BHAVNAGAR THI SARKESVAR, AMRELI)

ગીત: માતૃભાષા ગુજરાતી

 

માતૃભાષા ગુજરાતી અમારી માતૃભાષા ગુજરાતી.

રાસ, ફાગુ ને ગરબીમાં યૌવન હોંશે ખીલ્યું,

પદ, આખ્યાન ને છપ્પામાં જ્ઞાન અમેં તો ઝીલ્યું.

બહુ રમ્યા, બહુ ગમ્યા, આ તો ભાષા ગુજરાતી,

માતૃભાષા ગુજરાતી અમારી માતૃભાષા ગુજરાતી.

ગીત, ગઝલ ને સૉનેટમાં પ્રેમની વાતો કીધી,

નવલિકા ને નવલકથામાં લક્ષ્યમાં આંગળી ચીંધી.

બહુ ખીલ્યા, બહુ ઝીલ્યા, આ તો ભાષા ગુજરાતી,

માતૃભાષા ગુજરાતી અમારી માતૃભાષા ગુજરાતી.

ખંડકાવ્ય કેરા શબ્દોમાં પ્રેમ અમીરસ પીધો,

નાનકડા હાઈકુમાં કેવો જીવનમર્મ વણી લીધો !

બહુ બોલ્યા, બહુ તોલ્યા, આ તો ભાષા ગુજરાતી,

માતૃભાષા ગુજરાતી અમારી માતૃભાષા ગુજરાતી.

નિબંધ કેરા શબ્દોમાં થયાં નિત નવાં નવાં દર્શન,

લઘુકથા કેરા ભાવોમાં અડગ રહ્યું 'તું મન.

બહુ જોયું, બહુ જાણ્યું, આ તો ભાષા ગુજરાતી,

માતૃભાષા ગુજરાતી અમારી માતૃભાષા ગુજરાતી.

અવનવા લોકો આવ્યા જોડણી બગાડવાને,

મોટી મોટી ડીગ્રીઓ સાથે ઢોલકી વગાડવાને.

ન જામ્યા, ન પામ્યા, આ તો ભાષા ગુજરાતી,

માતૃભાષા ગુજરાતી અમારી માતૃભાષા ગુજરાતી.

~ વિજય ચલાદરી

કવિતા: ક્રોસ

વર્ષો વીતી ગયાં

પણ

એક વાતનું

મને

દુ:ખ થાય છે

ભગવાન ઇશુને

ક્રોસ પરથી

નીચે

કોણ ઉતારશે !?

~ વિજય ચલાદરી

ગીત: રણની અંદર

મૃગજળ પાછળ દોડ્યા કરતું મનડું થાકી જાતું,

રણની અંદર સમણાં વાવું તનડું પાકી જાતું.

પગલાં જાણે વર્ષો જૂનાં

વિયોગથી ભૂસાતાં,

સૂરજના પ્રકોપમાં આજે

યાદનાં આંસુ રાતાં.

રોજ બિચારી ડમરી કરતી એકલતાની વાતું,

મૃગજળ પાછળ દોડ્યા કરતું મનડું થાકી જાતું.

કૈંક આવીને ગયા અહીંથી

બોલ્યા ન કાંઈ વાણી,

ભટકી ભટકી ભવને ભૂલ્યા

મળ્યું ક્યાંય ન પાણી.

ઉપર આકાશ જોયા કરતું, નેહથી ઊભરાતું,

મૃગજળ પાછળ દોડ્યા કરતું મનડું થાકી જાતું.

~ વિજય ચલાદરી

   ગીત: આવજો

આવજો કહેવાનું બાકી રહી ગયું રે લોલ

જોઈ રહ્યો 'તો તારું મુખ રે

આવજો કહેવાનું બાકી રહી ગયું રે લોલ

તારુ આપેલ ફૂલ ગમતું રે લોલ

આપી દીધું તને દિલ રે

આવજો કહેવાનું બાકી રહી ગયું રે લોલ

સ્વપ્નાં જોઉં છું અડધી રાતનાં રે લોલ

બેશું છું તારી પાસ રે

આવજો કહેવાનું બાકી રહી ગયું રે લોલ

આપણ બન્ને કંઈ ન બોલ્યાં રે લોલ

આંખોએ કહી દીધી વાત રે

આવજો કહેવાનું બાકી રહી ગયું રે લોલ

વિખુટા પડવાના દન આવિયા રે લોલ

દિલમાં ભરાયું એવું દર્દ રે

આવજો કહેવાનું બાકી રહી ગયું રે લોલ

અમેં પંખીડાં પ્રેમનાં રે લોલ

અહીંથી ઊડીને જાશું દૂર રે

આવજો કહેવાનું બાકી રહી ગયું રે લોલ

                   ~ વિજય ચલાદરી

ગીત: આ વરસાદ કેમ નથી ગાતો ?

વરસ તારે વરસવું હોય તો તરસી છે આ ધરતી,

તું આવે તો આવી જશે નદીયુંમાં પછી ભરતી.

ભડકે બાળી નાખ્યા છે અમને એવી પડે છે ગરમી,

આવે તો તું હવાને લાવજે એવું કહે છે મરમી.

પ્હાડ તો વાદળને પૂજે આવો હવે અમ મળવા,

વિયોગ હવે સહી ન શકીએ આવોને દિલમાં ભળવા.

વૃક્ષો જાણે તરસ્યાં ઊભાં વાતો નથી કંઈ કરતાં,

ખૂલ્લા ગગનને જોઈ જોઈને અગનજ્વાળાએ બળતાં.

પંખી બિચારાં માળામાં પુરાઈ કરે છે છાની વાતો,

આપણે તો કલબલાટ કરીયે આ વરસાદ કેમ નથી ગાતો ?

~ વિજય ચલાદરી

¤ પ્રાર્થના ¤

ભૂલો પડ્યો છું આ દુનિયામાં રસ્તો મને બતાવો,

પ્રભુજી, મારે દ્વારે આવો.

વૃક્ષડાળે પંખી બેસે કરતાં આનંદની લ્હાણી,

મુજ હૈયાને શું ડંખ્યું છે વહેતું આંખે પાણી.

આંસુની તમે ભાષા સમજો (૨) દુ:ખથી મને બચાવો

પ્રભુજી, મારે દ્વારે આવો.

આંખો મારી સારું જૂએ, સાંભળે કાન સારું,

મુખમાંથી મીઠી વાણી, જીવન થાય પ્યારું.

સદ્ગુણોને અર્પણ કરો (૨) દૂર્ગુણોને ભગાવો

પ્રભુજી, મારે દ્વારે આવો.

~ વિજય ચલાદરી

ગીત: મહાસફાઈ

મનની કરી લે સફાઈ મુસાફિર મનની કરી લે સફાઈ

પળમાં આવ્યા પળમાં જવાનું ગીત મજાનું ગાઈ

મુસાફિર મનની કરી લે સફાઈ

બારી, બારણાં હ્રદયનાં ખોલી પોતું પ્રેમનું લગાવો,

તણખે તણખું દુર્ગુણોનું વીણી વીણી સળગાવો.

મન ચોખ્ખું તો તન ચોખ્ખું થવાનું મારા ભાઈ,

મુસાફિર મનની કરી લે સફાઈ.

હાથમાં ઊભું ઝાડું પકડ્યું, સાવરણી કેવી સુવાળી,

શેતરંજી ખડખડાટ હસતી, કલ્પના મારી નિરાળી.

પ્રાર્થનાના શબ્દે શબ્દે થઈ સ્નેહની સગાઈ

મુસાફિર મનની કરી લે સફાઈ

શિક્ષણ સાથે કેળવણી આપે જીવન ઘડતર કરવા,

સમૂહ જીવન જીવતાં શીખવે એકબીજાને સમજવા.

વિદ્યાપીઠ કરાવે આજે કરી લે મહાસફાઈ

મુસાફિર મનની કરી લે સફાઈ

                                                                        ~ વિજય ચલાદરી

કવિતા: ઇલાજ

આજ રોજ

શિક્ષકના

પેટમાં

સખત

દુ:ખાવો

ઉપડ્યો

દાક્તરે

તપાસીને કહ્યું.

"પેટમાં

ટ્યુશનની ગાંઠ છે."

~ વિજય ચલાદરી

BEST 2

PHOTO 2

SUNDAR

BEST

ગીત: ચલાદરીની ચાલે

ગીત: ચલાદરીની ચાલે

શબ્દરસ પીવાને ચાલ્યો ચલાદરીની ચાલે,
લયના હિલોળે અંગ મરડે શબ્દ નવા નવા તાલે.

શબ્દ ગરજતો શબ્દ વરસતો
શબ્દ પડઘા પાડે,
ઊંચા ઊંચા પ્હાડો પરથી
શબ્દ આવતો આડે.

ખળ ખળ વહેતી સરિતા સંગે શબ્દ કેવો મ્હાલે !
શબ્દરસ પીવાને ચાલ્યો ચલાદરીની ચાલે.

શબ્દ સૃષ્ટિ શબ્દ ઇશ્વર
શબ્દ આપણી ગીતા,
ઉપર-નીચે અંદર-બહાર
શબ્દ સ્વયમ્ કવિતા.

કોમળ કોમળ શબ્દ કેવો ખંજન એના ગાલે,
શબ્દરસ પીવાને ચાલ્યો ચલાદરીની ચાલે.
~ વિજય ચલાદરી

ગીત: અક્ષર એના અકબંધ

ગીત: અક્ષર એના અકબંધ

છાતી સરસી ચોપડી ચાંપી આંખો કરી બંધ,
પાને પાનાં અંદર ખૂલ્યાં અક્ષર એના અકબંધ.

શબ્દે શબ્દે ઝરણાં ફૂટ્યાં
વહેતાં ખળખળ નાદે,
પર્વત પર્વત ખીણ ખીણ
રમતાં કોકિલ સાદે.

વણચાખ્યાં સ્વપ્નાં તૂટ્યાં સાચવી કેવો સંબંધ !
પાને પાનાં અંદર ખૂલ્યાં અક્ષર એના અકબંધ.

ધક ધક ધડકતા હૈયામાં
લાગણીના થર જામ્યા,
યાદો ભરીને મોજાં ઊછળ્યાં
માછલીએ કર થામ્યા.

દરિયો આખો રેતમાં ન્હાતો, કિનારા બન્યા અંધ,
પાને પાનાં અંદર ખૂલ્યાં અક્ષર એના અકબંધ.
~ વિજય ચલાદરી

ગીત: સુહાગરાત

ગીત: સુહાગરાત

ખૂલ્લું હતું બારણું ને ખૂલ્લી આખી રાત,
પચ્ચીસમે વરસે ઘૂંઘટ ખોલ્યો પ્હેલી મુલાકાત.

એની અંદર કોયલ ટહૂકે
મારી અંદર મોર,
યૌવન કેરી ડાળે ડાળે
મીઠપનો કલશોર.

મૌન કેરા શબ્દો ગૂજ્યા જાગી આખી રાત,
પચ્ચીસમે વરસે ઘૂંઘટ ખોલ્યો પ્હેલી મુલાકાત.

હોઠોની વાત હોઠે કીધી
આંખોની વાત આંખે,
આકાશ-પાતાળ એક કરેલું
સ્નેહ ભરેલી પાંખે.

જામ ભરેલી નીરખી લીધી પીધી આખી રાત,
પચ્ચીસમે વરસે ઘૂંઘટ ખોલ્યો પ્હેલી મુલાકાત.
~ વિજય ચલાદરી

ગીત: પ્રેમનું પાન

ગીત: પ્રેમનું પાન

હૈયું ધડકે, અશ્રુ ટપકે, વેદનામાં ભૂલી ભાન,
હૈયું બન્યું છે વેરાન !

કૈંક અંધારે બેસી
વાતો અધૂરી મેલી,
કરવી હતી પૂરી વાતો
ખૂલી મૂકી ડેલી.

સુનકાર સહી સહીને ધીરે ધીરે વહેતું ગાન,
હૈયું બન્યું છે વેરાન !

બાળપણની પ્રીત આપણી
પડછાયાની રીત,
હીંચકા ખાતાં ડાળે ઝૂલતાં
પાને પાને સ્મિત.

વીતેલી વેળા ખોતરતાં થઇ જતી સભાન,
હૈયું બન્યું છે વેરાન !

કળી કળી ખીલી ઊઠી
પાલવ હવે શરમાય,
નમી ચૂકી પુષ્પો થકી
યૌવન ન સહેવાય.

રાત-દિન સતાવે યાદો કરવા પ્રેમનું પાન,
હૈયું બન્યું છે વેરાન !
~ વિજય ચલાદરી

ગીત: દિલમાં દીપક જગાવો

ગીત: દિલમાં દીપક જગાવો

દિલમાં દીપક જગાવો
તમે સૌ દિલમાં દીપક જગાવો

હૈયાના પ્રત્યેક લયને લાગણી સહ વહાવો
દિલનાં સૌ દરવાજા ખોલી પ્રેમથી આત્મા નવરાવો
તમે સૌ દિલમાં દીપક જગાવો

ભૂલને સુધારી ભવને સુધારો જીવન મધુર બનાવો
મધુર વાણી, સુંદર વર્તન સૌને આનંદ અપાવો
તમે સૌ દિલમાં દીપક જગાવો

ચંચળ મનને સ્થિર કરવા યોગને અપનાવો
પુસ્તકોના વાચ્યમનનથી જીવન સાર્થક બનાવો
તમે સૌ દિલમાં દીપક જગાવો

અંધકારથી મુક્ત બનીને જ્ઞાન પ્રકાશ ફેલાવો
ગુરુના ચરણોમાં બેસી ગીત મજાનાં ગાવો
તમે સૌ દિલમાં દીપક જગાવો
~ વિજય ચલાદરી

ગીત: કા'ન તારી વાંસળી

ગીત: કા'ન તારી વાંસળી

કા'ન તારી વાંસળીને જોરથી વગાડ મા,
મારા હૈયામાં ભડકેલી આગને જગાડ મા.

ગોપીઓની સંગે તું રાસની રમતું રમે,
વાસળીના સૂરથી ગોપીઓને તું ગમે.
મારી સુતેલી આંખોનાં પોપચાં ઉઘાડ મા,
કા'ન તારી વાંસળીને જોરથી વગાડ મા.

આંખોનાં આંસુ મારું સખીપણું સાચવે,
જમનાનાં જળ અહીં કરશે શું હવે ?
મારા મનમાં જાગેલા ઓરતા જગાડ મા,
કા'ન તારી વાંસળીને જોરથી વગાડ મા.

પરદેશથી આવશે મારા પીયુંની પ્રેમચિઠ્ઠી,
હું તો મારા પીયું સંગ ગોઠડી કરીશ મીઠ્ઠી.
મારી રાત્યુંની રાત્યુંને આમ તું બગાડ મા,
કા'ન તારી વાંસળીને જોરથી વગાડ મા.
~ વિજય ચલાદરી

ગીત: સોળ વરસની થયા પછી

ગીત: સોળ વરસની થયા પછી

વગડે વાય વાયરો પછી પાંદડે પાંદડું મલકે
સોળ વરસની થયા પછી યૌવન એનું છલકે.

માથે મૂકી મટકી ને
પાણીડાં ભરવા જાય,
પાણીડાંનું તો કે'વું શું ?
ઊભે રસ્તે છલકાય.

જોઈ રહ્યું 'તું દૂર ઊભુ કોઈ પાંપણના એક પલકે,
સોળ વરસની થયા પછી યૌવન એનું છલકે.

નદીની જેમ વહેતું મૂકે
ફૂલડા જેવું મન,
એકબીજાને મળતાં જોઇ સળગે આખુ તન.

ઊંડે ઊંડે ભરતી આવે ઓટ પાછી ત્યાં વળકે,
સોળ વરસની થયા પછી યૌવન એનું છલકે.

આંગળી કેરા વેઢા ગણતાં
વર્ષો વીતી જાય,
રાત હોય કે દિવસ
એનું સ્મિત આછુ વેરાય.

પૂનમરાતે ઝૂલ્ફો એની તારોડિયાં જેમ ચળકે,
સોળ વરસની થયા પછી યૌવન એનું છલકે.
~ વિજય ચલાદરી

ગીત: વસંતરસ

ગીત: વસંતરસ

આ ઋતુ ઋતુ તો ફૂલ ફૂલ પર નામ લખીને ચાલી !
વસંતરસના પ્રણયકાળની ભરી છે મેં પ્યાલી !

આંબાડાળે કોકિલ ટહૂકે
લચકે એનો મૉર,
પુષ્પડાળે ભ્રમર ડોલે
લાગે ચિતનો ચોર.

નયને નિહાળી કોમળ કળીને થઈ ગયો હું ન્યાલી !
આ ઋતુ ઋતુ તો ફૂલ ફૂલ પર નામ લખીને ચાલી !

જળ હળ થાતા જળની ઉપર
કમળ ખીલ્યું છે તાજું,
મંદ મંદ વાયુની સંગે
ગીત મજાનું ગાતું.

પંખીના કલરવથી જાણે કોઈ ડાળ હોય ન ખાલી !
આ ઋતુ ઋતુ તો ફૂલ ફૂલ પર નામ લખીને ચાલી !
~ વિજય ચલાદરીગીત: વસંતરસ

આ ઋતુ ઋતુ તો ફૂલ ફૂલ પર નામ લખીને ચાલી !
વસંતરસના પ્રણયકાળની ભરી છે મેં પ્યાલી !

આંબાડાળે કોકિલ ટહૂકે
લચકે એનો મૉર,
પુષ્પડાળે ભ્રમર ડોલે
લાગે ચિતનો ચોર.

નયને નિહાળી કોમળ કળીને થઈ ગયો હું ન્યાલી !
આ ઋતુ ઋતુ તો ફૂલ ફૂલ પર નામ લખીને ચાલી !

જળ હળ થાતા જળની ઉપર
કમળ ખીલ્યું છે તાજું,
મંદ મંદ વાયુની સંગે
ગીત મજાનું ગાતું.

પંખીના કલરવથી જાણે કોઈ ડાળ હોય ન ખાલી !
આ ઋતુ ઋતુ તો ફૂલ ફૂલ પર નામ લખીને ચાલી !
~ વિજય ચલાદરી