રાત આખી જાગનારી મા જ છે,
જાત સાથે જીવનારી મા જ છે.
કેટલી પીડા સહી છે એમણે,
જન્મ મારો આપનારી મા જ છે.
હું જ હારી જિંદગીથી ત્યારથી,
હામ પૂરી પાડનારી મા જ છે.
ભૂલથી રસ્તો ન ભૂલું એટલે,
આંખ મારી ખોલનારી મા જ છે.
જે ન 'તું તે મેળવી દીધું મને,
બોલ પડ્યો ઝીલનારી મા જ છે.
એકલી એ આંસુને મળતી રહી,
દુ:ખ આવું પામનારી મા જ છે.
રોજ હું પૂજા કરું છું એમની,
રાહ સાચ્ચો ચીંધનારી મા જ છે.
~ વિજય ચલાદરી
ટિપ્પણીઓ નથી:
ટિપ્પણી પોસ્ટ કરો