સોમવાર, 27 એપ્રિલ, 2015

ગાંધીબાપુની આરતી



જય ગાંધીબાપુ, જય જય ગાંધીબાપુ,
અખિલ વિશ્વ આજે (2) ગુણ તારા ગાતું.
જય જય ગાંધીબાપુ...


સવંત ઓગણીસો પચ્ચીસ, પ્રગટ્યા પોરબંદર,
માતા પુતળીબાઈ (2) કરમચંદ પિતા.
જય જય ગાંધીબાપુ...


સત્ય – અહિંસાની સંગે, વિશ્વ મહીં વ્યાપ્યા,
શાંતિ કેરા પાઠો (2) સૌના દિલમાં વસ્યા.
જય જય ગાંધીબાપુ...


સર્વધર્મ સરખા ગણ્યા, એકાદશ વ્રત ધર્યા,
સૂતા ગામ જગાડ્યાં (2) થયા જગને પ્યારા.
જય જય ગાંધીબાપુ...


ખાદી વિચાર આપ્યો, ચરખો સદાયે ફરતો,
સૂતરના તારે તારે (2) પ્રગટી પ્રેમભાવના.
જય જય ગાંધીબાપુ...


કાળા – ગોરાનો ભેદ, દૂર કરાવ્યો તમે,
દેશમાં અંધકાર વ્યાપ્યો (2) જગવી આઝાદીની જ્યોત.
જય જય ગાંધીબાપુ...


ગોડસે ગોળીઓ મારી, વાગી નહીં તમને,
સત્ય - અહિંસાને વાગી (2) વાગી માનવતાને.
જય જય ગાંધીબાપુ...


સહન કર્યા તમે દુખડાં, બીજાને સુખ આપી,
નાનાં મોટાં સૌ કોઈ (2) યાદ કરે છે તમને.
જય જય ગાંધીબાપુ...


ગાંધીબાપુની આરતી જે કોઈ ગાશે,
ભણે વિજય વિદ્યાપીઠમાં (2) શાંતિ સૌને મળશે.
જય જય ગાંધીબાપુ...

 ~ વિજય ચલાદરી

ટિપ્પણીઓ નથી:

ટિપ્પણી પોસ્ટ કરો